नेपाली महिला बास्केटबल टोलीलाई शुभकामनासहित बिदाइ

फिबा यु–१६ महिला एसियन च्याम्पियनसिप २०१७ मा नेपाली महिला बास्केटबल टोलीले प्रतिस्पर्धा गर्ने भएको छ। यो खेलहरु मित्रराष्ट्र भारतको बैंगलोरमा आयोजना हुने भएको छ।

राष्ट्रिय खेलकुद परिषद्का पूर्वसदस्यसचिव जीवनराम श्रेष्ठले कार्तिक ५ देखि ११ गतेसम्म सञ्चालन हुने च्याम्पियनसिपमा सहभागी हुन जाने महिला बास्केटबल टोलीलाई बुधबार शुभकामनासहित बिदाइ गरेका छन्।

दुई ग्रुप रहेको च्याम्पियनसिपमा नेपाल रहेको ग्रुपमा भारत, श्रीलंका र इरान छन् भने अर्को ग्रुपमा मलेसिया चाइनिज ताइपेई र मालदिभ्स छन्।

टिम व्यवस्थापकमा सरोजा श्रेष्ठ कोइराला, प्रशिक्षकमा विपिन कपाली, सहायक प्रशिक्षकमा सुशील गुरुङ र अफिसियलमा राजकुमार महर्जन रहेका छन्।

च्याम्पियनसिपमा सहभागी हुन जाने नेपाली टोलीमा श्रीयासी राना, निष्ठा राजभण्डारी, नीलम शेर्पा, ममता गुरुङ, छिरिङचोकी शेर्पा, अदीति सुन्दर चौधरी, सुषमा गौतम, प्रतीक्षा मगर, रोशनी श्रेष्ठ, इरिशा श्रेष्ठ, संस्कृति मास्के, अस्मिता थापा रहेका छन्।

Leave a Reply

Your email address will not be published.