विश्वकप छनोट: नेपाली टोलि कुवेत प्रस्थान

विश्वकप तथा एसियन कप छनोट अन्तर्गतको दोस्रो चरणको क्वालिफायर्समा खेल्न नेपाली राष्ट्रिय फुटबल टोली आज कुवेत प्रस्थान गरेको छ।

टोलीलाई एन्फाले औपचारिक विदाई शुक्रबार नै गरेको थियो।

करिब चार महिनाअघि नेपालले कुवेतसँग उसैको भूमिमा दुईवटा मैत्रीपूर्ण खेल खेलेको थियो । जसमध्ये एक खेल बराबरीमा टुंगिएको थियो भने एक खेलमा नेपाल पराजित भएको थियो ।

विश्वकप फुटबलको दोस्रो चरणमा नेपाल रहेको समूह ‘बी’ मा अष्ट्रेलिया, जोर्डन, चाइनिज ताइपे र कुवेत छन् । नेपालले आफ्नो दोस्रो खेल चाइनिज ताइपेविरुद्ध उसैको भूमिमा भदौ २४ गते खेल्दैछ । यी देशले एक अर्काविरुद्ध होम एण्ड अवे खेल खेल्नेछन् । उत्कृष्ट टिम विश्वकप फुटबल २०२२ को छनोटको फाइनल खेल खेल्नेछ ।

कुवेत जाने नेपाली फुटबल टिम

गोलकिपर : किरण चेम्जोङ, विकेश कुथु, विशाल श्रेष्ठ

डिफेन्डर : अनन्त तामाङ, देबेन्द्र तामाङ, सुमन अर्याल, अजित भण्डारी, दिनेश राजवंशी, सरोज दाहाल, रजिन धिमाल ।

मिडफिल्डर : सुजल श्रेष्ठ, विशाल राई, विक्रम लामा, सन्तोष तामाङ, सुनिल बल, अञ्जन विष्ट, हेमन गुरुङ, तेज तामाङ, रोहित चन्द र रवि पासवान ।

फरवार्ड : विमल घर्तीमगर, नवयुग श्रेष्ठ र अभिषेक रिजाल ।

नेपाल र कुवेतबीच भदौ १९ गते खेल हुँदैछ।