दाउफिन्सलाई माईभ्याली गोल्डकप उपाधि

माईभ्याली गोल्डकपको पाँचै सैस्करणको उपाधि क्यामरुनी क्लब दाउफिन्स फुटबल क्लबले जितेको छ । यसअघि ३ वटा गोल्डकपको उपाधि जितेको दाउफिन्स इलाममा पनि बाजी मार्न सफल भएको हो ।

unn.prixa.net

मंगलबार इलामको ठुलो टुडिखेलमा भएको फाइनलखेलमा नेपालको ए डिभिजन क्लब हिमालयन शेर्पा क्लबलाई २–० गोल हराउदै दाउफिन्सले उपाधि जितेको हो । दाउफिन्सको जितमा ओवाना र पेटेङले एक एक गोल गरे ।

खेलको आठौं मिनेटमा यान्निकले गोल गर्दै दाउफिन्सलाई सुरुवाती अग्रता दिलाएका । त्यसपछि खेलको १९ औं मिनेटमा पेटेङले हेड गोल गर्दै दाउफिन्सको अग्रता २–० को बनाए । दोस्रो हाफमा दुवै टोलीले गोल गर्न सकेनन् र दाउफिन्सले उपाधिमा कब्जा जमायो ।

उपाधिसंगै दाउफिन्सले ७ लाख प्राप्त गरेको छ । उपविजेता बनेको शेर्पाले ४ लाखमा चित्त बुझायो । दाउफिन्सले यसअघि पोखरामा मनकामना कप, धरानमा बुढासुब्बा गोल्डकप र बुटवलमा तिलोत्तोमा गोल्डकप जितेको थियो ।

Source: Hamrokhelkud